Восеньская міграцыя чорных буслоў пачынаецца з канца ліпеня і праходзіць да верасня, таму ў нашых чытачоў і аматараў дзікай прыроды яшчэ ёсць ўнікальная магчымасць паназіраць імі.
Буслы - верныя свайму дому птушкі. Гняздо будуюць з галінак, кавалкаў дзірвана, высцілаюць сухой травой, а часам мохам з прымешкай лісця. Гняздо выкарыстоўваецца на працягу шэрагу гадоў, часам з перапынкамі, пастаянна дабудоўваецца і можа дасягаць значных памераў. Адна пара можа мець нават два гнязда на адлегласці 150-1000 м адно ад другога і займаць іх па чарзе.