Жураўлі вельмі моцна прывязаныя да сваіх птушанят і ў выхаванні малых удзельнічаюць як самец, так і самка.
Як толькі птушаняты памацнеюць, бацькі адводзяць іх ад гнязда - у чарот, прырэчныя зараснікі, хмызнякі. Калі птушаняты пачнуць лятаць, бацькі вылятаюць з імі на блізка размешчаныя хлебныя палі або лугі, а на адпачынак (на ноч і апоўдні) вяртаюцца назад да месца, якое абралі раней.