Сасну незвычайнай формы заўважылі ў Дзмітровіцкім лясніцтве, непадалёк ад ракі Лясная.
У Нацпарку кажуць, што гэта сапраўдны цуд, раней такія экзэмпляры былі заўважаныя толькі ў гарадах Прыпяць і Навасібірск.У Прыпяці каля Атамнай электрастанцыі расла падобная сасна, пасля катастрофы яе пачалі называць дрэвам-трызубам. Незвычайную форму сасна займела задоўга да аварыі 1986 года. Але пасля здарэння на ЧАЭС дрэва не вытрымала радыяцыі і загінула.
Праз некаторы час у Сібіры, побач са стэлай да дзесяцігоддзя прыпяцкай катастрофы заўважылі бярозу, якая пачала мяняць сваю форму і набываць форму ствала, падобную да сасны, якая калісьці расла ў Прыпяці.
Цяпер дрэва-трызуб ёсць і ў Белавежскай пушчы. Як думаеце, мо гэта нейкі знак?